سبيرانزا_مزايا وعيوب سبيرانزا_سبيرانزا

سبيرانزا A5




((تجربة وتقرير بمتوسط اسعار قطع الغيار))


السادة الأعضاء الأعزاء هذه بعض الأسعار الإسترشادية لقطع غيار سيارات إسبرانزا 516 بالتوكيل و خارجه .

أرجو ملاحظة أن الأسعار تتغير من فترة لأخرى و الأسعار الوارده هنا إسترشادية أو تقريبية خلال العام الحالى و هى معرضه للزيادة أو النقصان حسب أحوال السوق .
أيضا هذه الأسعار لا تتضمن الفصال بالنسبة لخارج التوكيل و قد تختلف من محل إلى الأخر كما يوجد بعض قطع الغيار المستعملة بالمحلات خارج التوكيل و هو ما يسبب بعض التفاوت فى الأسعار

أولا بعض أسعار قطع الغيار بالتوكيل : مراكز أبو الفتوح


سير كاتينة 170
سير دينامو 72بوجيه 11-20
فلتر بنزين 25 -30
فلتر زيت 30
ديسك عجل 140
تيل فرامل أمامى 128- خلفى 80
فانوس امامى 533 بالموتور
فانوس خلفى 258شبورة 151شبكة أمامى 175
مراية صالون48
مراية جنب 224
مسند رقبة33
ثانيا أسعار إسترشادية خارج التوكيل
اكصدام امامي من 200 إلى 250
اكصدام خلفي 275
الفانوس الامامي من 200 إلى 300 بدون موتور و بالموتور ب 350
فانوس خلفي من 150 إلى 200
فانوس شابورة 125 
شبكة 130 
علامة شيرى أمامية أو خلفية 10
مرايا جنب 160
جنوط أصلية 400
صامولة العجل 15<o:p></o:p>
مسمار العجل 5<o:p></o:p>

تيل فرامل أمامى 120- خلفى 80
فلتر هوا من 30 إلى 45
فلتر بنزين25

سير كاتينة 150
سير دينامو 75

ثالثا أماكن وجود قطع الغيار خارج التوكيل

بوجد عدد من محلات قطع الغيار بشارع دمشق و التوفيقية
بالإضافة لبعض المحلات الأخرى فى عدد من أحياء القاهرة

يوجد عدد من محلات قطع الغيار بالإسكندرية

بالإضافة لموزع بطنطا

(( تجربة وتقييم شخصى))

شوف أنا إشتريت العربية دى و أنا مقتنع تماما إنها أحسن عربية بالسعر ده
و لازلت عند إعتقادى ده لغاية دلوقتى و الحمد لله لكن برضه فترة إستخدامى لها قليلة برضه

إنما هقولك رأيى الى كونته فى الفترة القصيرة دى نتيجة تجربة شخصية و بعض تجارب الأخرين
هعمل تقدير زى بتاع الكلية
التقدير العام للعربية جيد مرتفع يعنى فوق متوسطة
هى شكلها مقبول و فخم نوعا ما و أبعادها رحبة و واسعة
و مريحة فى الرحلات الطويلة أو داخل المدينة
ثابتة على السرعات العالية
المحرك أداءة جيد عند عدد لفات عالى (يعنى 2800 و إنت طالع )
و تتميز بكماليات كثيرة تشعرك بكم معقول من الرفاهية (حاسس إنى شغال فى أبو الفتوح)
و إستهلاك فى البنزبن معقول جدا
الغالبية من الناس مرتاحة معاها

لكن .......

عيبها إنها مش مضمونة بنسبة كبيرة بمعنى إيه
لو إشتراها ميه هيطع منهم خمسة وتمانين مستريحين جدا من العربية و معندهمش أى مشاكل
و الباقى هتبتدى تبان ليهم مشاكل بسيطة لكن كل واحد منهم طلعاله مشكلة مختلفة و إتنين عندهم مشاكل كبيرة .
طبعا النسب دى من دماغى بدون أى دراسة لكن أعتقد كده إن من يوم ما نزلت العربية السوق كان مشتريها

85% راضين عن العربية
13 % ظهرتلهم مشاكل بسيطة
2% ظهرتلهم مشاكل كبيرة

أما فى السيارات الناجحة للشركات الكبيرة و الأكثر خبرة بتلاقى النسب دى
98 % راضيين عن العربية
1.9 % عندهم مشاكل بسيطة
0.1 % عندهم مشكلة مهمة

و الموضوع ده ناتج عن إيه ؟؟
أولا عيوب التقفيل المصرى و الإهتمام بالكم و إهمال الكيف 
يعنى المصنع يهمه يحقق خطة الإنتاج بتاعته بالدرجة الأولى و بعدين يجى موضوع الجودة فى الدرجة التانية
و ده إللى بيخلى مثلا جزء تالف أو مشكوك فى جودته يتركب فى العربية و تطلع العربية من المصنع بالعيب عادى جدا ، أو يخلى إللى بيركب اللأجزاء أو بيتأكد من جودتها يطنش أو يقلب علشان يحقق المعدل المطلوب منه أو يمكن ما يكونش مطلوب منه معدل لكن نتيجه للإهمال أو التكاسل فتطلع العربية و نتيجه لكل ده ممن ترج العربية من المصنع و فيوز من فيوزاتها مهزوز أو محروق أو صامولة من صواميلها مش متربطة كويس أو حتة فبرة مش متعشقة فى مكانها الصحيح و خصوصا لو مكانها مش ظاهر أو كوتشة متركبتش أصلا فى مكانها.
ممكن تسمع مثلا إن كلبس بتاع وصلة كهربية كان مش متوصل صح فمخلى رشاش المية مثلا مش شغال ...! موضوع هايف لكن لو إنت شارى عربية زيرو و لقيت حاجه زى دى هتزعل و على ما تكتشف العيب هتاخد وقت و مجهود رغم هيافة العلاج.
(أرجو ملاحظة إن الكلام ده محصلش ليا و لا لأغلب اللى إشتروا العربية ...... لكن إللى بتحصلهم بيتضايقوا جدا و ممكن يتقفلوا من العربية- كمان العيب ده مش خاص بالإسبرانزا بس لكن ممكن تلاقية فى الفرنا أو فى اللانوس أو حتى المرسيدس إللى المتجمعة فى مصر لكن بنسب مختلفة )

ثانيا العربية مصممة للإستخدام و الأجواء و الظروف الصينية أولا (لإن شيرى معندهاش خبرة الأسواق إللى تخليهم يغيروا مواصفات السيارة حسب السوق إللى مستهدفاه ) فهما عملو السيارة للشعب الصينى أولا و بعدين نجحو فى إنهم يبيعوها للبلاد المتوسطة و الغلبانه زى حالتنا دون أى تعديلات لمواجهة متطلبات كل بلد و خصوصا فيما يتعلق بالعفشة ، لكنهم إبتدوا شوية شوية يتطوروا و يحسنوا فى العربية و يحاولوا يعملوا مواصفات خاصة لكل سوق لكن ببطء .

لكن برضة مواصفات العربية عموما مقبولة و ناجحة إلى حد كبير فى مصر .

كل إللى فات ده كان من خلال متابعتى لملاك العربية و من تجربة صغيرة ليا لكن مع ذلك رأيى مازال إيجابى جدا فى العربية و أعتقد إن مزاياها أكبر بكتير جدا من مشاكلها و إنها تساوى الفلوس إللى إتدفعت فيها و إللى إشتراها على المدى المتوسط كسبان و إنها ترقى من حيث المواصفات و لدرجة معقولة من حيث الجودة (علشان محدش يزعل) لسيارات أعلى فى السعر بكتير 
لو كنت موافق على الجمل إللى الجايين دول يبقى إتوكل على الله و إشتريها

العربية شيك قوى و شكلها عاجبنى و مفيش حاجه مضايقانى فى شكلها
العربية قاعدتها مريحة و صالونها حلو و مش مضايقنى
أنا محتاج العربية و هى عندى أهم من الفلوس
الإسبرانزا أحسن إختيار لسيارة سيدان أقل من 70 ألف جنية
أنا عارف عيوب التقفيل المصرى و ممكن استحملها لغاية ما العربية تتظبط
العربية هتنفعنى و هتبقى إيدى و رجلى
العربية هتعمر معايا و مش هتعمل دقات نقص من تلات لخمس سنين على الأقل
معنديش مشكلة إنى أبقى مرتبط بالتوكيل فى الصيانات لغاية نهاية الضمان على الأقل
لو حبيت أبيع العربية بعد الخمس سنين دول هتجبلى مبلغ كويس 

طبعا أنا كنت موافق على كل إللى فات ده و لا زلت


((صور السيارة))